ڌوٻي طارق سعيد جو چوڻ آهي ته هن 25 هزار اوڌارا وٺي دڪان کوليو، کيس ڪمپني ۽ اڪائونٽ بابت خبر نه آهي ٽنڊو محمد خان جي مشترڪه ڪالوني جي رهواسي ڌوٻي طارق سعيد کي نيڪنو ڪرافٽ ڪمپني جو چيف ايگزيڪٽو آفيسر ظاهر ڪري سندس نالي تي جعلي اڪائونٽ ٺاهيو ويو، جعلي بئنڪ اڪائونٽ مان هڪ ڪروڙ 40 لک رپيا منتقل ڪري ڪڍرايا ويا اهو به انڪشاف ٿيو آهي ته جعلي بئنڪ اڪائونٽس مان ڪمپني لاءِ هڪ ڪروڙ 40 لک رپين جي لوهه جي خريداري ڪرڻ لاءِ رقم منتقل ڪئي وئي آهي جعلي بئنڪ اڪائونٽن بابت جاچ ڪندڙ جي آءِ ٽي ڌوٻي جي جعلي اڪائونٽ مان هڪ ڪروڙ 40 لک رپين جي ٽرانزڪيشن ٿيڻ تي کيس نوٽيس جاري ڪري ڇڏيو آهي ۽ کيس ڪراچي طلب ڪيو ويو آهي سڄو ڏينهن تپش ۾ ڪپڙا استري ڪري ٻچن جو پيٽ گذر ڪندڙ پورهيت طارق سعيد جعلي ڪمپني سامهون اچڻ تي حيرت ۾ پئجي ويو آهي، سندس چوڻ آهي ته کيس بئنڪ اڪائونٽ بابت ڪابه ڄاڻ ناهي، ايف آءِ اي جو نوٽيس ملڻ تي خبر پئي آهي ڌوٻي جو چوڻ آهي ته هن 25 هزار رپيا اوڌر وٺي دڪان کوليو آهي
