جنهن دوران پ پ چيئرمين لاڙڪاڻي ۽ قمبر_شهدادڪوٽ ضلعن ۾ جاري ترقياتي اسڪيمون جلد مڪمل ڪرڻ جي هدايت ڪري ڇڏي سرڪٽ هائوس لاڙڪاڻي ۾ پ پ چيئرمين بلاول زرداري جي صدارت هيٺ لاڙڪاڻي ۽ قمبر_شهدادڪوٽ ضلعن ۾ امن امان جي صورتحال ۽ ترقياتي اسڪيمن بابت اجلاس ٿيو اجلاس ۾ وڏي وزير مراد علي شاهه، صوبائي صلاحڪار مرتضي وهاب، صوبائي وزيرن ناصر شاهه، سعيد غني، مڪيش چاولا، چيف سيڪريٽري سنڌ ۽ ٻين شرڪت ڪئي اجلاس دوران پ پ چيئرمين بلاول ڀٽو زرداري کي امن امان جي صورتحال ۽ ترقياتي اسڪيمن سميت مختلف معاملن تي بريفنگ ڏني وئي اجلاس ۾ بلاول ڀٽو زرداري لاڙڪاڻي ۽ قمبر_شهدادڪوٽ ضلعن ۾ ترقياتي اسڪيمون جلد مڪمل ڪرڻ بعد نئين اسڪمين تي ڪم شروع ڪرڻ جي هدايت ڪئي اجلاس کانپوءِ مرتضيٰ وهاب ناصر شاهه ۽ سعيد غني سان گڏ پريس ڪانفرنس ڪندي چيو ته سپريم ڪورٽ جي چيف جسٽس وڏي وزير کي سمن نه اماڻيو هو پر ملاقات ڪئي ۽ اها ملاقات خوشگوار موڊ ۾ ٿي هن وڌيڪ چيو ته چيف جسٽس طرفان ٿر جو دورو ڪرڻ جي خواهش تي وڏي وزير مراد علي شاهه کيس پاڻ ٿر وٺي وڃڻ جي آڇ ڪئي ان موقعي تي سعيد غني جو چوڻ هو ته تحريڪ انصاف جي دعويٰ ته گھر ٺاهي ڏيڻ جي آهي پر اها گھر کسي رهي آهي، سنڌ حڪومت صوبي ۾ غريبن لاءِ گھٽ قيمت وارا گھر تعمير ڪندي
