رينجرس ترجمان جو چوڻ آهي ته گرفتار جوابدارن جي قبضي مان غيرقانوني هٿيار، منشيات، بارودي مواد ۽ ڦر ٿيل سامان هٿ ڪيو ويو آهي گارڊن ۽ مبينا ٽائون وارن علائقن ۾ رينجرس ڪارروائي ڪري ٽن جوابدارن مهر علي عرف پياري، رشيد ۽ محمد شهزاد عرف سجاد کي گرفتار ڪيو ويو آهي، جوابدار ڦر ۽ اسٽريٽ ڪرائيم جي ڪيترن ئي وارداتن ۾ ملوث آهن مبينا ٽائون ۾ هڪ ٻي ڪارروائي دوران جوابدار محمد ياسين کي گرفتار ڪيو ويو آهي، جيڪو غيرقانوني هٿيار رکڻ ۽ ڦر جي ڪيترن ئي وارداتن ۾ ملوث هو رينجرس ترجمان موجب ساڳي ئي علائقي ۾ رينجرس هڪ ٻي ڪارروائي دوران خادم حسين کي گرفتار ڪيو جيڪو منشيات وڪرو ڪرڻ ۾ ملوث آهي ترجمان مطابق گرفتار ٿيل جوابدارن جي قبضي مان غيرقانوني هٿيار، بارودي مواد، ڦر ٿيل سامان ۽ منشيات هٿ ڪئي آهي، جوابدارن کي وڌيڪ قانوني ڪارروائي لاءِ پوليس حوالي ڪيو ويو
