وزيراعظم چيو آهي ته احتساب سڀني جو ٿيندو، حڪومت اهم قدم کڻڻ واري آهي، جنهن سان جمهوريت خطري ۾ اچي ويندي

161
0
SHARE

اسلام آباد ۾ پاڪستان سٽيزن پورٽل جي افتتاح واري تقريب کي خطاب ڪندي وزيراعظم عمران خان چيو ته پهريون ڀيرو حڪومت عوام آڏو جوابده ٿي آهي، هاڻي هر پاڪستاني سڌي ريت وزيراعظم شڪايتي سيل تي اچي سگهي ٿو، ملڪ اندر گورننس جي نظام کي ٺيڪ ڪرڻو آهي هن وڌيڪ چيو ته ملڪ ۾ مسئلن جي حل لاءِ انتهائي گهٽ قدم کنيا ويا، پراڻي پاڪستان ۾ عوام غلام هو، پاڪستان سٽيزن پورٽل وارو نظام مائينڊ سيٽ تبديل ڪرڻ وارو نظام آهي وزيراعظم چيو ته پهريون ڀيرو حڪومت عوام آڏو جوابده ٿي آهي، هي آهي نئون پاڪستان، ماضي ۾ عوام کي اميد ئي نه هئي ته حڪومت سندن خدمت ڪندي عمران خان چيو ته سڀ کان وڌيڪ رشوت گهرڻ جي شڪايت اچي ٿي، هن نظام ذريعي  ڪمزورن جو آواز ٻڌو ويندو،  حڪومت مقرر وقت اندر عوامي شڪايتن جو جواب ڏيندي وزيراعظم چيو ته قرض جي پهاڙ مان نڪرڻ جو واحد حل ملڪ اندر سيڙپڪاري آڻڻي آهي، سيڙپڪارن جون سموريون رنڊڪون ختم ڪيون وينديون، هن نظام مان سيڙپڪار به فائدو حاصل ڪندا هن چيو ته گورننس جي نظام ۾ خرابي سبب ملڪي معيشت کي نقصان پهتو آهي،  ملڪ اندر گورننس جي نظام کي ٺيڪ ڪرڻو آهي