ڪربلا جي شهيدن جي چاليهي جي موقعي تي سنڌ جي مختلف شهرن ۾ موبائيل فون سروس بند ڪئي وئي آهي، موٽر سائيڪل جي ٻيلهه سواري تي پڻ پابندي لاڳو آهي، صوبي اندر سمورن تعليمي ادارن ۾ موڪل آهي سنڌ جي مختلف شهرن ۾ ڪربلا جي شهيدن جي چاليهي جي موقعي تي سيڪيورٽي خدشن سبب موبائيل فون سروس صبح 8 وڳي بند ڪئي وئي آهي ڪراچي، حيدرآباد، سکر، جيڪب آباد سميت سنڌ جي 9 ضلعن اندر موبائيل فون سروس بند ڪئي وئي آهي، جيڪا رات 10 وڳي بحال ڪئي ويندي ڪربلا جي شهيدن جي چاليهي جي موقعي تي اڄ سڄي صوبي اندر موٽرسائيڪل جي ٻيلهه سواري تي به پابندي لاڳو ڪئي وئي آهي ڪراچي، حيدرآباد، سکر، خيرپور، سانگهڙ ۽ ٻين شهرن ۾ ٻيلهه سواري تي پابندي آهي سنڌ حڪومت طرفان صوبي جي سرڪاري توڙي خانگي تعليمي ادارن ۾ موڪل پڻ ڪئي وئي آهي
