اوٻاوڙو ويجهو مزاري برادري جي ٻن ڌرين ۾ جهيڙي دوران فائرنگ ۾ نوجوان قتل ٿي ويو. کنڀڙا ٿاڻي جي حد ڳوٺ پنھون خان ۾ مزاري برادري جي ٻن ڌرين ۾ سڱاوتي تڪرار تان جھيڙو ٿيو. فائرنگ ۾ ٽيھ ورھين جو رفيق احمد مزاري موقعي تي قتل ٿي ويو ۽ ٽي ڄڻا سخت زخمي ٿي پيا. زخمين ۾ عنايت الله، ھديت الله ۽ بشير احمد مزاري شامل آهن. اطلاع باجود کنڀڙا پوليس واقعي واري هنڌ جلد نه پهتي، قتل ٿي ويل رفيق احمد مزاري جو لاش ۽ زخمين کي وارثن کڻائي تعلقه اسپتال اوٻاوڙو پھچايو. زخمين کي طبي امداد ڏيڻ بعد ڳڻتي جوڳي حالت هئڻ سبب علاج لاءِ رحيم يار خان منتقل ڪيو ويو، لاش پوسٽ مارٽم بعد وارثن والي ڪيو ويو..
