چيف جسٽس ميان ثاقب نثار ڪراچي جي ميئر وسيم اختر تي ڪاوڙ جو اظهار ڪندي چيو آهي ته ڪالهه ڪراچي ۾ گوڙ ڇو ڪرايو، پاڪستان ڪوارٽرز آپريشن ڪنهن مهاجر، سنڌي، پنجابي يا ڪنهن ٻي خلاف نه هو، هاڻي دفن ڪريو هن لسانيت کي، هتي ڪو به مهاجر يا پنجابي ناهي سڀ پاڪستاني آهن سپريم ڪورٽ ڪراچي رجسٽري ۾ پاڪستان ڪواٽرز ۾ آپريشن واري معاملي بابت ٻڌڻي ٿي، جنهن دوران چيف جسٽس ثاقب نثار عدالت ۾ موجود ڪراچي جي ميئر وسيم اختر کي روسٽرم تي گهرائي ورتو ٻڌڻي دوران چيف جسٽس ڪراچي جي ميئر تي ڪاوڙ جو اظهار ڪندي پڇاڻو ڪيو ته ڪالهه ڪراچي ۾ گوڙ ڇو ڪرايو، وڏا وڏا اڳواڻ پهچي ويا هئا، پاڪستان ڪوارٽرز ۾ آپريشن ڪنهن مهاجر، سنڌي، پنجابي يا ڪنهن ٻي جي خلاف نه هو، ڇا لساني جهيڙو ڪرائڻ چاهيو ٿو چيف جسٽس چيو ته هاڻي ختم ڪريو هن لسانيت کي، هتي ڪو به مهاجر يا پنجابي ناهي، سڀ پاڪستاني آهن، اهڙيون ڳالهيون نه ڪريو ٻڌڻي دوران چيف جسٽس ريمارڪس ڏيندي چيو ته جڏهن قبضو ختم ڪرڻ چاهيون ٿا ته اوهان انساني ڍال بڻائي وٺو ٿا، اهڙو حل ڪڍڻو پوندو، جنهن سان ڪنهن غريب کي نقصان نه ٿئي واضح رهي ته گذريل ڏينهن سپريم ڪورٽ جي حڪم ڪراچي ۾ پاڪستان ڪوارٽرز کي خالي ڪرائڻ لاءِ پوليس پهتي ته پوليس ۽ رهواسين ۾ ڇڪتاڻ پيدا ٿي وئي هئي، جنهن جي نتيجي ۾ پوليس اهلڪارن سميت 16 ڄڻا زخمي ٿي پيا هئا.
