آصف زرداري لاهور ۾ پريس ڪانفرنس ڪندي چيو ته کيس سمجھه ۾ اچي ويو آهي ته هر طرف کان مٿس حملا ڇو پيا ٿين پر اصل جھيڙو ارڙهين ترميم جو آهي، ارڙهين ترميم واپس ڪرائڻ لاءِ ڊرامو ڪيو پيو وڃي آصف زرداري وڌيڪ چيو ته هنن کان سنڌ حڪومت کسڻ جي ڪوشش ڪئي وئي پر ان باوجود ڪير به کائن سنڌ حڪومت کسي نه سگھيو، جيڪي ماڻهو آمريت جو دور هئڻ جهڙي اداڪاري ڪري رهيا آهن اهي تمام گھڻو خراب آهن، خطرو ٻاهران نه پر اندران آهي اڳوڻي صدر جو وڌيڪ چوڻ هو ته هن سنڌ ۾ هڪ گروپ جي مدد ڪئي، سنڌ ۾ سيڙپڪاري ڪندڙن جي مدد ڪرڻ تي ڪارروائي پئي ٿئي، ٽريڊنگ اڪائونٽن کي جعلي قرار ڏنو پيو وڃي آصف زرداري چيو ته هن جي گرفتاري ڪا نئين ڳالهه نه هوندي، سدائين هن جي دوستن کي گرفتار ڪيو ويندو آهي، جيڪڏهن ڪنهن کي مسئلا هن سان آهن ته گرفتار هن جي دوستن کي ڇو پيو ڪيو وڃي؟ هڪ سوال جي جواب ۾ آصف زرداري چيو ته هو چاهين ٿا حڪومت مدو مڪمل ڪري، هنن کي حڪومت ڪيرائڻ ۾ ڪا خاص دلچسپي ناهي صحافي طرفان پڇيل هڪ ٻئي سوال جي جواب ۾ آصف زرداري جو چوڻ هو ته هن اين آر او جي ضرورت ناهي، هو حڪومت کان اين آر او ڇو گھرندو سندس وڌيڪ چوڻ هو ته کيس نه نواز شريف جي ضرورت آهي ۽ نه ئي وري نواز شريف کي هن جي ضرورت آهي
