پابندي مڙھيل تنظيم جي اڳوڻي اڳواڻ شبير ملاح ايس ايس پي حيدرآباد وٽ پهچي گرفتاري پيش ڪئي

715
0
SHARE

پوليس هيڊڪوارٽر حيدرآباد ۾ ڊي آءِ جي حيدرآباد نعيم شيخ، ايس ايس پي حيدرآباد سرفراز نواز شيخ ۽ سي آءِ اي انچارج اسلم لانگاھ پريس ڪانفرنس ڪندي چيو آهي ته هنن حيدرآباد رينج ۾ ملڪ دشمن عناصرن جو گھيرو تنگ ڪري ڇڏيو آهي، ان سلسلي ۾ پابندي مڙھيل جماعت جي اڳوڻي سرگرم اڳواڻ شبير ملاح گرفتاري پيش ڪري ڇڏي آهي ڊي آءِ جي حيدرآباد نعيم شيخ چيو ته گرفتاري پيش ڪندڙ جوابدار شبير ملاح مٿان حيدرآباد رينج جي مختلف ٿاڻن تي بم ڌماڪن، بغاوت، جھيڙن ۽ ٻين قلمن تحت 16 کان وڌيڪ ڪيس داخل ٿيل آهن ڊي آءِ جي حيدرآباد جو وڌيڪ چوڻ هو چهلم جي حوالي سان حيدرآباد رينج ۾ فول پروف سڪيورٽي انتظام ڪيا ويا آهن، سنڌ حڪومت طرفان چهلم واري موقعي تي ٻيلھ سواري مٿان پابندي مڙهي وئي ايس ايس پي حيدرآباد سرفراز نواز شيخ چيو ته هن حيدرآباد ضلعي جي سمورن عملدارن کي هدايت ڪئي آهي ته سماجي براين جي خاتمي لاءِ هو بهتر نموني ڪردار ادا ڪن ايس ايس پي حيدرآباد چيو ته سماجي براين ۽ امن امان جي معاملي تي ڪوتاھي ڪندڙ پوليس عملدارن خلاف قانوني ڪارروائي ڪئي ويندي