فيروزآباد انويسٽيگيشن پوليس جي ايس ايس پي غلام شبير ميمڻ ٻڌايو ته پوليس ڪارروائي ڪري ايئرپورٽ تان ايندڙ ماڻهن کان ڦرلٽ ڪندڙ ٽن جوابدارن کي گرفتار ڪيو آهي، جن جي قبضي مان سونا زيور، غير ملڪي ڪرنسي، ليپ ٽاپ، 5 لک روپيا روڪ، ڦر ڪيل موبائل فونز ۽ ٻيو سامان هٿ ڪيو ويو آهي ايس ايس پي انويسٽيگيشن ٻڌايو ته ٽنهي جوابدارن کي سي سي ٽي وي فوٽيجن جي مدد سان گرفتار ڪيو ويو آهي، جوابدار ڦرن سميت ٻين ڪيترين ئي ڏوهي وارداتن ۾ ملوث آهن، گرفتار جوابدار ٻاهرين ملڪن مان موٽندڙ ماڻهن جو پيڇو ڪري انهن کان ايئرپورٽ کان ٻاهر نڪرندي ڦرلٽ ڪندا هئا ٽنهي جوابدارن جي گرفتاري تي آءِ جي سنڌ سيد ڪليم امام ايس ايس پي اوڀر ۽ ان جي ٽيم جي ڪارڪردگي کي ساراهيندي کين شاباس ڏني