سنڌ حڪومت شوگر ڪين بورڊ جي منظوري ڏئي ڇڏي، زراعت وارو صوبائي وزير اسماعيل راهو بورڊ جو سربراهه هوندو سنڌ حڪومت پاران ڪمند جي اگهه جي تعين ڪرڻ جي لاءِ شوگر ڪين بورڊ جوڙي نوٽيفڪيشن جاري ڪيو ويو آهي شوگر ڪين بورڊ جا شاهينه بلوچ،ذوالفقار شاهه، سيڪريٽري زراعت ۽ ڪين ڪمشنر ميمبر هوندا، جڏهن ته پاسما، آبادگار بورڊ ۽ چيمبر آف زراعت جو هڪ هڪ نمائندو بورڊ ۾ شامل هوندو زراعت کاتي جي ترجمان موجب بورڊ ڪمند جو اگهه مقرر ڪرڻ لاءِ ٺاهيو ويو آهي، بورڊ ڪمند جي اگهه جو تعين ڪندو
