ڳوٺ سجاول مگسي ۾ جوابدار شاهد مگسي گهر ۾ پاڻي دير سان ڀري ڏيڻ تان پسٽل جا فائر ڪري پنهنجي ڀاڄائي 3 ٻارڙن جي ماءُ بيوانو خاتون کي قتل ڪرڻ بعد فرار ٿي ويو واقعي جي اطلاع تي فوتي عورت جا وارث عورت جو لاش شهدادڪوٽ اسپتال کڻائي آيا، جتان موت جي تصديق بعد پوليس لاش قبو سعيد خان رورل هيلٿ سينٽر کڻائي وئي جتان پوسٽ مارٽم بعد لاش وارثن حوالي ڪيو ويو اسپتال ۾ موجود فوتي عورت جي وارثن ميڊيا کي ٻڌايو ته فوتي عورت گهر اندر ڪم ڪري رهي هئي ته سندس ڏير شاهد مگسي پاڻي گهريو، ٿوري دير ٿيڻ ڪري جوابدار مڇرجي مٿس پسٽل جا فائر ڪري قتل ڪيو هوڏانهن آخري اطلاعن تائين واقعي جو ڪيس داخل ٿي نه سگهيو هو ۽ نه ئي ڪا گرفتاري عمل ۾ اچي سگهي آهي
