لياقت ميڊيڪل يونيورسٽي ڄامشورو ۾ رٽائرڊ آفيسرن جي مقرري ۽ مسئلا حل نه ٿيڻ خلاف استادن، آفيسرن ۽ ملازمن جي احتجاجي تحريڪ جاري آهي جوائنٽ ايڪشن ڪاميٽي جي سڏ تي سوين استادن، آفيسرن ۽ ملازمن احتجاجي ريلي ڪڍي ايڊمنسٽريشن بلاڪ اندر ڌرڻو هنيو، ڌرڻي ۾ پاڪستان ميڊيڪل ايسوسيئيشن جي صدر ڊاڪٽر رفيق الحسن کوکر ۽ ٻين پڻ حمايت طور شرڪت ڪئي پروفيسر ڊاڪٽر سهيل احمد عالماڻي، پروفيسر سلمه شيخ، پروفيسر فيروز ڪلهوڙو، پروفيسر اڪرام الدين اڄڻ، پروفيسر خالده ناز، پروفيسر غضنفر حسين تقوي، پروفيسر ايوب لغاري، پروفيسر فيصل غني ۽ ٻيا احتجاج جي اڳواڻي ڪري رهيا هئا ان موقعي تي اڳواڻن چيو ته سنڌ گورنمينٽ جي رٽائرڊ ميڊيڪل آفيسر روشن ڀٽي کي رجسٽرار مقرر ڪيو ويو آهي، جڏهن ته ٻين عهدن تي به رٽائرڊ آفيسرن کي مقرر ڪري حق تلفي ڪئي وئي آهي هنن چيو ته وي سي جي جوڙيل ڪاميٽي جوائنٽ ايڪشن ڪاميٽي جي مطالبن کي جائز قرار ڏيندي حل ڪرڻ جي خاطري ڪرائي پر رجسٽرار جي چرچ تي ڪئمپس ايڊمنسٽريٽر جي ماڻهن سينيئر فيڪلٽي ميمبرن، آفيسرن ۽ ملازمن سان بدتميزي ڪئي، جنهن جي هو مذمت ڪن ٿا اڳواڻن مطالبو ڪيو ته رجسٽرار روشن ڀٽي سميت مقرر ڪيل سمورا رٽائرڊ آفيسر هٽائي جائز مسئلا حل ڪيا وڃن ۽ بدتميزي ڪندڙ ماڻهن خلاف ڪارروائي ڪئي وڃي، ٻي صورت ۾ احتجاجي تحريڪ جاري رکي ويندي
