وڏي وزير مراد علي شاهه سان تعليم واري وفاقي وزير شفقت محمود جي ملاقات دوران سوشل سيڪٽر ۽ ملڪ جي ترقي لاءِ گڏجي ڪم ڪرڻ تي اتفاق ڪيو ويو، وڏي وزير چيو آهي ته هو اسڪولن کان ٻاهر ٻارن کي واپس آڻڻ جي ڪوشش ڪن پيا وزيراعليٰ هائوس ڪراچي ۾ وڏي وزير سيد مراد علي شاهه سان تعليم واري وفاقي وزير شفقت محمود ملاقات ڪئي، جنهن دوران تعليم جي شعبي ۾ بهتري بابت خيالن جي ڏي وٺ ڪئي وئي ٻنهي اڳواڻن وچ ۾ ملاقات دوران اسڪول ايجوڪيشن جي نصاب جي بهتري، استادن جي سکيا کي وڌيڪ بهتر بڻائڻ ۽ ٽيڪنيڪل تعليم جي حوالي سان ڳالهه ٻولهه ڪئي وئي ملاقات دوران ڳالهائيندي تعليم واري وفاقي وزير شفقت محمود چيو ته وفاقي حڪومت چاهي ٿي نصاب جو معيار هڪ جهڙو هجڻ گهرجي، تعليم واري شعبي ۾ صوبائي حڪومت سان هر ممڪن سهڪار ڪيو ويندو ان موقعي تي ڳالهائيندي وڏي وزير سيد مراد علي شاهه چيو ته سنڌ حڪومت اسڪول کان ٻاهر ٻارن کي واپس اسڪول آڻڻ جي ڪوشش ڪري رهيا آهن، هو نان فارمل تعليم ۾ ڪجهه بهتري آڻڻ ۾ ڪامياب ويا آهن هوڏانهن وفاقي وزير شفقت محمود مزار قائد تي پهچي حاضري ڀري ۽ ملڪ جي خوشحالي ۽ ترقي لاءِ دعا گهري
