ڏڪاريل ڏيهه ٿرپارڪر ۾ ٻارڙن جي فوت ٿيڻ جو سلسلو بند نه ٿي سگهيو، خوراڪ جي کوٽ سبب وڌيڪ 3 ٻارڙا فوت ٿي ويا مٺي جي سول اسپتال ۾ خوراڪ جي کوٽ سبب داخل ڪيل وڌيڪ 3 ٻارڙا فوت ٿي ويا، جنهن ۾ پورهيت کنپال جي 13 ڏينهن جي ڌيءَ، ڳوٺاڻي پرڀو جو تازو ڄاول ٻارڙو ۽ 3 ڏينهن جو فرحان شامل آهن اسپتال ۾ وڌيڪ 3 ٻارڙن جي فوت ٿيڻ کانپوءِ ٿر اندر 32 ڏينهن دوران فوت ٿي ويل ٻارڙن جو انگ وڌي 45 ٿي ويو ٿر جي مختلف اسپتالن ۾ ڪيترائي ٻارڙا خوراڪ جي کوٽ ۽ بيمارين سبب داخل آهن، پر اسپتال ۾ دوائن توڙي ڊاڪٽرن سميت ٻيون سهولتون نه هئڻ سبب ٻارڙن جا وارث سخت پريشاني جو شڪار آهن
