ٿر ۾ معصوم ٻارن مٿان موت جو راڪاس جاري آهي، بک جي ڏانئڻ وڌيڪ 6 معصوم حياتيون ڳڙڪائي وئي، مٺي سول اسپتال ۾ وڌيڪ 6 ٻار خوراڪ جي کوٽ سبب فوت ٿي ويا مٺي سول اسپتال ۾ ڳوٺ کارو جوڻيجو واسي اسماعيل جي 3 ڏينهن جي نياڻي، محمد حسين جي 4 ڏينهن جي ڌي ۽ 2 ورهين جو ساجد غذائي کوٽ وگهي فوت ٿي ويا فوتي ٻارڙڻ ۾ 10 ڏينهن جو دسرت، 2 مهينن جو حليم ۽ ديدار جو تازو ڄاول ٻارڙو پڻ شامل آهن ٿر ۾ غذائي کوٽ سبب هلندڙ هفتي فوتي ٻارن جو انگ وڌي 14 ٿي ويو آهي، جڏهن ته هلندڙ سال 534 ٻار موت جي وادي ۾ هليا ويا آهن مٺي سول اسپتال سميت ٿر جي مختلف اسپتالن ۾ ڪيترائي ٻار علاج هيٺ آهي، سهولتون جي کوٽ سبب فوتي ٻارن جو انگ وڌڻ جو خدشو آهي، جڏهن ته صحت کاتي جي اختيارين ڪي به جوڳا اپاءَ نه ورتا آهن
